Jab koi nahi aata mere Sai aate hai
Mere dukh ke dino me wo hur dum sath rehte hai
Jab koi nahi aata mere Baba aate hai.

Mere jeevan naiya ka mere Sai khewaiya hai
Jis roop me dekhu use, mere krishan Khaniya hai
Jaisa bhaav dil me, usi roop me aate hai

Mere dukh ke dino me wo hur dum saath rehte hai

Ye jag sara bhuka teri kripa drishti ka
Wo sab ke kare raksha nirmata shristi ka
Sare khel mere Sai bhakto ko rachate hai

Mere dukh ke dino me wo hur dum saath rehte hai

Mere mann ke mandir me Sai ka waas rahe
Koi paas rahe na rahe Sai mere paas rahe
Mai darta nahi jag se, Sai sath aate hai

Mere dukh ke dino me wo hur dum saath rehte hai

Jab dhyan karu Sai ka, wo daure chale aate
Har mushkil har dukh se, Ek Sai bachate hai
Sab bhakto ka kehna, Sai maan jate hai

Mere dukh ke dino me wo hur dum saath rehte hai

Jab koi nahi aata mere Sai aate hai
Mere dukh ke dino me wo hur dum sath rehte hai
Jab koi nahi aata mere Baba aate hai.